Hogeitabostgarren eguna: azaroak 25, ostirala AGURRR!

AZKEN EGUNA

Emozioez beteriko egun zoragarria... Bonboiak irakasle gelan utzi ondoren, gelara joan naiz. Eli Errioxan egindako kurtsotik bueltan da, baina kontsultoria duenez goiz osoan, atsalderarte ez ginela ikusiko uste nuen. Baina zoritxarrez, esan dit ez dela arratsaldean ezta ere egongo, beraz, ezingo garela despeditu.

Baina erdaraz esaten den moduan... "no hay mal que por bien no venga": eskatu dit hurrengo astean mesedez eskolara etortzeko, behar bezala despedida bat egiteko. Beraz, hurrengo astean hemen izango naiz bueltan! Ez dakit nola egingo dudan unibertsitatera joateko eta eskolara etortzeko, baina moldatuko naiz, ziur!!

Tutorea egon ez denez, eta bere ordezkoak baja hartu duenez, irakasle pila bat pasa dira goizean gelatik eta haurrak nahiko urduri egon dira. Gainera, batzuk triste xamar nabaritu ditut, nire azken eguna izan delako. Baina pozteko intentzioarekin, atzo Eliri egindako oparia erakutsi diet, eta eman egingo diogula esan diet. Beraz, bere bila joan naiz eta etorri denean oparia eman diogu "SORPRESA!" denok batera esanez. Eli harrituta gelditu da, ilusio handia egin dio eta asko poztu da. Plastifikatu eta gelan jarriko duela esan du eta ondoren, esker bero bat eman dit niri. 

Egia esan, hain ondo nago haur hauekin, irakasle honekin eta gela honetan, oso zaila egingo zaidala bertara ez bueltatzea. Ahal izan dudan gehien aprobetxatu dut eguna, primeran pasa dut haurrekin, parre asko bota ditugu, betiko antzera: futbolean jolastu dugu jolas orduan, txokoetako lana nik azaldu diet, jolasak egin ditugu, arratsaldean marrazki gehiago egin dizkidate, 5 urteko beste gelakoek ere marrazkia egin nahi izan didate beraiekin jolas garaian asko jolasten dudalako esanez, eta arratsaldean jolas garaiaren ondoren gelara joan garenean, etxera joan aurretik, haurrak besarkatzen hasi dira...

Lurrean eseri naiz eta denak nire gainera bota dira, hiru haur negarrez hasi dira, ez joateko eskatuz, muxuak eman dizkidate... oso zaila izan da. Negar egiteko gogoa nuen, ez nekien pozagatik ala tristuragatik, baina oso momentu intentsuak bizi izan ditut gaur. 

Lurrean geundela, beste gelako irakaslea etorri da eta hitz polit batzuk esan ondoren, argazkia atera digu denoi. Ondoren, ilaran jarri eta banan-banan muxuak eman dizkidate. Agurtzeko ordua iritsi da... txirrina jo eta AGUR!! Hurrengora arte!! esatea tokatu da. Denak joan direla, atean gelditu naiz beste irakasleekin beti bezala eta hitz egiten nengoela, bi haur euren gurasoekin etorri zaizkit, haurrak negar batean zeudela. Deskontsolatuta daudela esan didate gurasoak, pena handiarekin daudela haurrak, eta eskerrak eman dizkidate denagatik. Baita ere, zorte ona eman didate nire etorkizunerako...

Hau guztia amaituta, koordinatzailearekin bildu gara eta honek praktiketako ikasle bakoitzari diploma bat eman digu: "Haur Hezkuntzako praktiketako diploma..." aurreko egunean ateratako argazkiekin.

Oso pozik nago, aldi berean triste, astelehenean gelara ez naizela joango pentsatzean, baina asko ikasi dudanaren sentsazioa daukat eta horrekin geratuko naiz. 

Hementxe gure argazkia...

Nahiz eta azken eguna izan, idazten jarraituko dut, hausnarketa gehiagorekin, informazio osagarri gehiagorekin, ... beraz, HURRENGORA ARTEE!!

Hogeitabigarren eguna: azaroak 24, osteguna

EGUN BEREZIA.  .  .

Gaurko eguna berezia izan da hasieratik bukaera arte! Emozioz betea ere!!

Goizean, ingeleseko orduan, niri oparitzeko marrazkiak egin dituzte eta Eskerrikasko Intza edo Thank you Intza jarri dute bertan. Amaitzerakoan, eman egin dizkidate eta gelara joan gara. Andereño Tania etortzen zen bitartean, beti bezala ni hasi naiz eguneroko errutinarekin, eta lista pasa ondoren, andereñoa iritsi da, baina notizi berriekin: medikuarenera joan behar zuela eta ni bakarrik geratzeko haurrekin.

Oso urduri jarri naiz, gelan bakarrik egon naizen lehen aldia izan delako; baina primeran joan da goiza. Benean, nik uste gaur baino lasaiago ez dira inoiz egon. Otoitza egin dugu, gogoeta (bokazio astean gaudelako), ULISES, eguraldia, irakurketa eta azkenik, txokoko lana.

Jolas ordua iritsi baino lehen beste andereño bat etorri da ea zer moduz nenbilen eta harrituta geratu da haurrak hain txintxo eta lasai ikustean. Zoriondu nau eta asko poztu naiz. Egia esan, hasieran oso urduri jarri naiz baina gero lasaitu naiz berehala, haurrak kasu egiten zidatela ikustean. Kontatu diet banoala bi egun barru eta oso triste jarri dira batzuk. Orduan, neska bat zutik jarri eta niregana etorri da besarkatzera, besteak berdina egin dute eta besarkada handi bat eman gara denon artean. Erlijioan laguntasuna lantzen dugu beti, laguna alai egotea saiatu behar garela, eta antzekoak. Ia ia emozionatu naiz, baina parre batzuk bota ditugu eta sentitu dudana deskribaezina da. Bene-benetan, haur hauek izugarriak dira.

ZINEMA

Arratsaldean, zinema izan dugu: eskolako aretora jaitsi gara HHko denak eta pelikula ezberdinak ikusi ditugu: Hartz txiki, Edurnezuri eta pirritx eta porrotx. 4tan amaitu dugu eta jolastera irten gara. Gelako batzuk egun osoan egon dira beraiekin futbolean jolasteko eskatzen, eta patioan nengoenean, denak etorri dira mesedez eskatzera. Baietz esan diet eta primeran pasa dugu. Zein ondo pasa dugun.

Azkenik, gelara joan eta Eli bihar datorrenez, opari bat prestatu diogu. Goizean, batzuk, margoak zorrozten egon gara eta ateratako puntatxoak gorde egin ditut. Puntatxo hauek atera egin ditut eta borobilean eserita, erakutsi dizkiet (bakarrik egon bainaiz orain ere). Kontatu diet eskulan bat egin behar genuela, eta zertarako. 

Beraz, orri bat hartu eta "Eli" idatzi dugu kolarekin. Ondoren, denon artean, margo zatitxoak bota ditugu eta soberakinak zakarrontzira. Ondorioz, Eli margoz betea geratu da. Asko gustatu zaie eta gainera, denon izena idatzi dugu inguruan. Gorde egin dugu bihar arte... eta bihar sorpresa izango du andereñok!!!

Hau guztia gutxi balitz, haurrak etxera joan direnean, irakasle gelara joan eta irakasle guztiak zain zeuden: gaztaina eta sagardoekin, meriendatxoa egiteko prest zeuden, agurra moduan. Oso ondo pasatu dugu!!

Bueno, emozioez beteriko eguna. Oso pozik nago, baina aldi berean, triste! Bihar abenturatxo hau amaituko da eta pena handia ematen du... ea zer moduz doan azkeneko eguna!! 

BIHARARTEEEEE!

Hogeitabatgarren eguna: azaroak 23, asteazkena

Gaurko eguna arraro xamarra izan da. Eli ez dagoenez, irakasle dezente pasatu dira gelatik, eta haurrak mugituago eta urduriago egon dira. Irakasle batekin dinamikan sartu orduko, beste bat etorri da; gainera, bakoitzak bere ohiturak dauzka eta ondorioz, pixkat galduta egon dira momentu batzuetan nire haur maiteak. 

Baina hortxe egon naiz, lagungarri izan naizela uste dut. Azkenean, ni beraiekin denbora guztian egonda, lasaitasuna eman diet, eta gaur inoiz baino gehiago, kasu asko egin didate. 

Nabarmentzeko bakarra, gaur arratsaldean, koordinadorea etorri dela gelara, gelako argazkia ateratzeko. Horregatik, beste gela batera joan gara eta nerekin atera dute haur guztiek argazki bat. Esan dit oroimen bezala izan nahi dutelako atera digutela. Honen ondoren, haur batek galdetu dit zergatik atera duten argazkia nirekin, eta esan diot laster banoala delako. Neskatxak besarkada bat eman dit eta esan dit ez joateko, oso triste jarriko direlako. Alde batetik, poztu nau hori entzutea, nirekin gustura daudenaren seinale delako; baina, bestetik, izugarrizko pena eman dit...

Nik uste dut argazkia atera digutela oparitu nahiko didatelako ostiralean eskolatik joan aurretik... baina itxaron beharko dugu!! 

Biharartee!!

Psikomotrizitate gela

Hauxe da psikomotrizitateko gela. Ikus dezakezuen moduan, gimnasioa da, eta haur hezkuntzako bigarren zikloko haurrentzat psikomotrizitate gela bezala erabiltzeaz gain, haur zaharragoak soinketa egiteko ere erabiltzen dute.

*Gustatuko litzaidake esatea, nahiz eta gimnasio hau oso handia izan, haur hezkuntzako lehen zikloko haurrek beste psikomotrizitate gela bat dutela, beraien eskolatxoan, askoz txikiagoa eta material apropos gehiagorekin.

Psikomotrizitateko saioari dagokionez, esan nuen moduan, saio gidatuak izaten dira. Material asko ez daude, koltxoneta gutxi dituzte, eta guk magisteritza eskolan beti ikusi ditugun saio libreak egiteko ez da egokia.

Horregatik, saio gidatuak izaten dira. Normalean, berotzeko, jolasak egiten dira, korrika pixka bat egiteko helburuarekin. Ondoren, zirkuitoren bat jartzen zaie, txiribueltak egin, uztaila artean salto, lurretik irristatu, eta antzekoak egiteko. Saioa amaitzeko, abestiak, gorputz atalak identifikatzeko, adibidez, egiten dira.

Askotan ere, denboratxo batean libre uzten zaie, materialarekin jolasteko; gainera, sokak, baloiak, pilotak, etab. dituzte. 

Saioa amaitu baino lehen, denon artean gela jaso eta gordetzeko gelara eramaten ditugu. 

PSIKOMOTRIZITATEKO MATERIALA

Ingeleseko gela

Hauxe da ingeleseko gelaren atea. Ingelesa emateko erabiltzeaz aparte,  bideoak ikusteko, SENSOR egiteko eta eguerdiro zaintza gela bezala erabiltzen da. Hainbeste funtzio izatearen arrazoia, bertan proiektore bat dagoela da. Horregatik, eguerditan, haurrak jangelara joan aurretik, bertara joaten dira: lista pasatu eta adinaren arabera eskuak garbitzera joaten dira andereño baten laguntzaz. Besteak bitartean, bideo bat ikusten egoten dira lurrean. Honela pasatzen dugu denbora egunero jangelara joan aurretik.

Hemen daude argazki batzuk, gelako telebista eta proiektorea ikus dezazuen:

IKTren inguruko galderak

Sarrera honetan, IKTen inguruan arituko naiz. Eskolan egin ditugun galdera batzuk dira. La Salle Legazpin 4 ikaskide gaudenez, denon artean egin dugu galdeketa, haur hezkuntzako koordinatzaile eta irakasle batzuei. Esatea ere, azkeneko galdera, bakoitzak bere tutoreari egin diola.

Hona hemen galdeketa:

1. Nola lantzen dira informazio eta komunikaziozko teknologiak?

-Gela bakoitzean: ordenagailua dago, irrati kaseta,

-Gela batean: proiektorea dago zine saioak egiteko, CREA egiteko, SENSOR egiteko. Baita ere telebista bat dago, baina proiektorea dagoenetik ez da erabiltzen.

-Irakasleek informazioa bilatzeko, materiala osatzeko, erabiltzen dute internet.

-Behar izanez gero, eskolako liburutegian arbel digitala dago, nahiz eta haur hezkuntzan ez duten erabiltzen.

2. Zer nolako materiala erabiltzen dute?

-Ttanto, Txirritx, Xango, hauek Urtxintxa barnekoak dira): CD bat daukate, eta bertan ipuinak, jolasak, abestiak eta antzekoak daude.

-Pirritx, Porrotx eta Marimototx: bideoak, abestiak, ipuinak, jolasak

-Ingeleseko bideoak: Nursery Rhymes eta youtubetik hartutako bideo ezberdinak.

-Hizkuntza lantzeko bideoak: batez ere euskara eta ingelesa. “Haurrak euskalduntzen bideoaren bidez” euskara lantzeko (Xabier Leterenak)

-Bitxitarrak: fitxa liburuak, osagarriak, plantillak egin ahal  izateko, ipuinak, … (denetatik erabiltzen dute).

- Sorgin Xarmangarria

3. Internet erabiltzen da? Zertarako?

Irakasleek bakarrik erabiltzen dute:

-Materiala osatzeko marrazkiekin, argazkiekin, informazioarekin, …

Adibideak: Picassa Web, Maestra infantil

(picasaweb.google.com) honen bidez, maestra infantilen aldizkaria lortzen dute.

4. Parte hartzen dute IKTko proiekturen batean? Zein da eta zertan datza?

IKT taldea osatzen ari da, geroz eta funtzio gehiago webaren bidez egiteko asmoz eta teknologiak geletan etorkizunean gehiago sartzeko asmoarekin. Gaur egun, Sallenet. web orriaren bidez familiei notak helarazteko eta eskolako informazioa bertatik eskaintzeko erabiltzen dute.

5.Nola lotzen da metodologia IKTarekin?

Askotan erabiltzen dute gelan ematen diren jardueren osagarri moduan. Adibideak: “etxea” gaia lantzen ari badira, etxearen inguruko bideoak ikustera joaten dira, hiru txerritxoena, zazpi antxumeena, eta antzekoak.

Denbora pasa bezala ere erabiltzen dute: zaintzan daudenean, bazkaltzera joan aurretik, esaterako, proiektorean bideoak eta pelikulak jartzen zaizkie.

6. Zerbait berezia egiten da sormena lantzeko teknologiarekin? Zer eta nola?

Egia esan, sormena dezente lantzen da geletan, baina teknologiarekin ez. Sormena lantzeko programa ezberdinak daude, CREA bezalakoak, baina teknologien erabilera ez dago gelako dinamiketan sartuta. Esan digute, gustatuko litzaiekeela etorkizunean arbel digitala izatea haur hezkuntzan, bertan marrazkiak denon artean egiteko eta gordetzeko, eta berriro ere erabiltzeko.

Xango bezalako CDtan eskaintzen dira programak, ordenagailu bidezko programekin marrazkiak egiteko.

7. Zertarako erabiltzen da bideoa eta nola?

Lehen esan dugun bezala, hizkuntzak lantzeko eta haurrak hizkuntza hauek entzutera ohitzeko erabiltzen dira; batez ere, euskara eta ingelera lantzeko.

8. Proiektu telematiko batean parte hartzen al dute?

Orain arte ez dute parte hartu honelako proiektuetan.

9. Zerbait egiten al da kritikotasun alderdia lantzeko teknologiaren aurrean?

Ez da honelakorik lantzen, haurrak ez baitituzte teknologiak gelan erabiltzen, gelako ordenagailuaz aparte.

10.Zer nolako galderak planteatzen diote gurasoek zure gelako irakasleari IKTri buruz? 

Gurasoak tutoretza saioetan egiten dituzte galdera hauek, eta batez ere , materialei buruz eta hauen egokitasunari buruz.

Galderarik ohikoenak:

-          Zenbat denbora pasatu beharko lukete haurrek telebista eta ordenagailu aurrean?

-          Zeintzuk dira programarik egokienak ?

-          Nola dakigu ondo erabiltzen dituztela?

11. Aholkua eskatzen diote irakasleari ? Zertaz ?

Bai, aurreko galderan azaldu dugun bezala.

12. Nola egin du gelako irakasleak bere prestakuntza IKT-ko arloan? Bere kabuz? Ikastaro batean? Eskolan?

 Lehendik zekienetik oinarrituta, bere kabuz ikasten doa beharra sentitzen duenean. Eskolan ere, noizbehinka, ikastaroak egiten dituzte irakasleentzat: aurreko urtean, argazki kameren inguruan izan zuten.

 Gainera, orain dela bi urte, IT txartelaren inguruko bi diploma atera zituen, ikaskuntza hau, bere kabuz egin zuen, baina azterketa irakasle guztiei egin zitzaien eskolan.

Hogeigarren eguna: azaroak 22, asteartea

Gaurko egunetik nabarmendu nahi dut arratsaldea: tutorea hurrengo bi egunetan ez da eskolara etorriko, esan diotelako kurtso bat egitera joan behar dela. Beraz, azkeneko momentuan, gelan egin beharko diren gauza guztiak prestatu behar izan ditu; horregatik, esan diot lagunduko niola, eta gelan gauzak prestatzen zegoen bitartean, klasea ematen ni egon naiz.

Oso ondo sentitu naiz. Beti bezala, lista pasatu dugu, gero ulises, eta azkenik ipuina. Ondoren, tutoreak jarraitu beharrean, nik jarraitu dut. Ipuinaren inguruan hitz egiten egon gara eta ondoren, hiztegia landu dugu.

Horretarako, jokuak egin ditugu. Elik esan dit nahi dudana egiteko, beraz, lehenik, argazki bakoitza bere izenarekin erlazionatu dugu denon artean, eta ondoren, memoria lantzeko, beheraka jarri eta jolasten aritu gara. 

Urduri egon naiz, haurrak askotan ez zirelako isiltzen eta ez didatelako kasu gehiegirik egin, baina Elik esan dit normala dela, lasai egoteko. Ondoren, txokoetara joan gara.

Hori izan da gaurko abentura. oso ondo pasatu dugu eta haurrekin kontaktuan egotea geroz eta gehiago gustatzen zaidala konturatzen ari naiz. Gaur responsabilitate gehiago nuela sentitu dut eta horrek urduritasuna sortzen du, baina Eli ere gelan egon denez momentuoro, asko lasaitu naiz. Oso pozik nago. 3 egun soilik falta dira... beraz, ondo pasatzeraaa!!

Hemeretzigarren eguna: azaroak 21, astelehena

AZKEN ASTEA!

Pasatu da azken asteko lehen eguna! Oso nekatuta iritsi naiz eskolara, baina haurrekin azken astea dela pentsatzeak energia pila bat eman dit eta oso egun ona pasa dugu!!

Gaur lan kuaderno berriak hasi ditugu. Hiruhilabete bakoitzean, 3 lan kuaderno lantzen ditugu. Kasu honetan, GABONAK izenekoarekin hasi gara. Beraz, ipuin berriarekin ere hasi gara. 

Baita ere talde berriak banatu dizkiegu. Oso urduri jarri dira, batzuk oso pozik jarri dira talde berriarekin; beste batenbat berriz, triste, bere lagunarekin ez zaiolako tokatu. Baina bereala bakoitza bere txokoan jarri eta primeran egon dira. Oso ondo ohitzen dira gauza berrietara eta denon artean lagundu egiten dira.

Oso talde jatorra da, oso lagun onak dira beraien artean.

Beno ba, hori da dena gaurkoz. Hain pozik nago gela honetan, ahalik eta gehien aprobetxatuko dudala aste honetan. Gainera, arratsaldean irakasleok egin dugun bileran, esan digute agurra egingo digutela ostiralean! zein ongi!!

Ale, bihararte!

Hemezortzigarren eguna: azaroak 18, ostirala

ANTZERKIA

Iritsi da berriro ere ostirala eta honekin batera beste aste baten amaiera! Beti bezala, gaur oso ondo pasatu dugu! Lan kuadernoak etxera eraman behar genituenez, lan guztiak bukatzea izan da azken bi egun hauetan txokoetan egin duguna. Dena amaitzean, hosto festaren marrazkiak egin dituzte eta bitartean, tutorea eta biok txokoetako taldeak aldatu ditugu.

Hasieran azaldu nizuen bezala, txokoetako taldeak finkoak dira, eta noizean behin, tutoreak aldatu egiten ditu, beti ere, hainbat gauza kontuan hartuta. Eta kurtso hasieratik talde berdinetan daudenez, talde berriak egin ditugu irizpide hauen arabera:

"Oso laguntxoak" direnak banatuta, euskara gehien dakitenak gutxien dakitenekin, neska eta mutil kopuru bera talde guztietan, taldea ezin da errepikatu (lepoluzea izan dena ez da berriro lepoluzea izango), lotsatiak direnak irekiagoak direnekin, etab.

Hori amaitzean, haurrak etxera joan eta arratsalderako ekintza berezia prestatu dugu:

2 aste edo gehiagoetan "Artzain gezurtia"ren ipuina kontatu diegunez, gaur arratsaldean, beraiek antzeztu dute.

Zapiak prestatu, aurpegiak margotu eta ekintza azaldu diegu. Zozketa bidez pertsonaiak banatu ditugu: otso bat, artzain bat, 6 baxerritar eta 11 ardi. Aurpegiak margotu eta ipuina denon artean kontatu dugu errepaso moduan. Mahaiak pareta kontra jarri eta gela antolatu dugu. Prest geunden, beraz...

Bolon bat, bolon bi, bolon hiru; hartu ipuina eta hastera goaz!!!

Betiko esaldi hau esan ondoren, antzerkiari ekin diogu!! Harrituta gelditu naiz zein ondo egin duten!! Tutoreak bakoitzak esan behar zuena esan eta errepikatu egin dute haurrek. Primeran pasa dugu, ZORAGARRI egin dute!!

Hain ondo pasa dugu eta hain ondo atera da, berriro egitea proposatu diegula. Gainera, tutoreari bururatu zaio 3 urteko haurrak ekartzea ikusle moduan. Izugarri gustatu zaie proposamena eta zoro moduan ibili gara!! Bakoitza bere lekura eta txikiengana joan da tutorea. Ikusle bezala txintxo-txintxo eseri dira denak eta gure gelakoek primeran egin dute antzerkia berriro ere. Nabaritu zaie urduriago zeudela, baina asko saiatu dira eta txikiei barrearazteko asmoz, ahots ezberdinak, abestiak eta antzekoak egin dituzte.

Bueno, zelako jarduera polita.... benetan, harrituta gelditu naizela zein ondo egin duten. Oso pozik bukatu dugu eguna denok. Egia esan, haurrak beti jarrera positiboa dute, prest edozer gauza egiteko; zerbait proposatu eta izugarrizko pozarekin erantzuten dute. Eta hori izugarria  da. Helduok ez gaude ohituta gauzak honela disfrutatzen, eta haurrei esker, gauza txikiei garrantzia gehiago eman eta edozein "tontakeriarekin" arratsalde osoa pasa dezakegu primeran! Aste bete soilik falta da, eta pena handiarekin utziko ditudala geroz eta argiago daukat!!

Karpetak hartu, eta mantalak etxera eramateko ordua iritsi da!! ASTELEHENARTEEE!

Baina lehenenego.... begira, begira! Ze politak dauden denak aurpegiak margotuta!! Gela zoragarria ezta?? .......

Hosto festan...

Gaurko eguna zoragarria izan da niretzat. Primeran pasa dut, haurrak oso pozik egon dira eta egia esan, oso txintxo portatu dira eta gelan oso ondo itxaron dute ordu betez lanak egiten beraien txanda iritsi arte. Ordua iritsi denean, denak txintxo-txintxo joan gara ilaran, eta frontoira iritsi garela........ PUM! Ez zegoen inor gelditzerik!!

Ni ere hostoekin jolastera sartu naiz eta ze ondo pasatu dudan! Denekin jolasean aritu naiz, lurrean ere bukatu dut, eta haurrak lurrera bota naizela ikustean, nire atzetik berdina egitera ekin diote!! Elurretan egongo bagina jolastu dugu, baita ere "euri" modukoa egin dugu, saltoka aritu gara, korrika, ... 

Bene-benetan, oso ondo sentitu naiz, eta oraindik ere ostoak gorputz osoan ditut, baina berdin du! Pena merezi du eta!! Beste sarreran jarri ditut argazki batzuk, ikus itzazuen!

Eta bihar ia ostirala! Gutxi falta da praktikak amaitzeko eta pena handia ematen dit hortan pentsatzea! Izan ere, oso gustura sentitzen naiz eskolan eta pozik nago! Baina gauza guztiak bezala, amaiera izan beharko du!!

Beno ba, gaurkoz hau da dena; bihararte!!

Hamazazpigarren eguna: azaroak 17, osteguna

HOSTO FESTA

Zelako eguna gaurkoa!! arratsadean hosto festa izan dugu eta denak oso aztoratuta egon dira. Baina festa haurretik, goizean beti bezala aritu gara. Psikomotrizitateko saioan HARA berri bat egin dugu. Bertan, musika lasaiaren laguntzarekin, ibiltzeko era ezberdinak landu ditugu: pozik ibili, haserre, triste, hanka puntarekin, orpoarekin, aurreraka, atzeraka, erraldoiak bezala, txiki-txikiak bezala, etab. 

Haurrak oso ondo erantzun dute, bakoitza bere aldetik ibili da, tontakeriarik gabe. Uste genuena baino hobetoago ibili dira. Jarduera amaitzean, hausnarketa bat egin dugu denak borobilean eserita. Bakoitzak, gehien gustatu zaiona esan du, gehien kostatu zaiona, nola sentitu den eta zer gustatu zaion gutxien.

Bazkaldu ondoren, iritsi da momentua!!!

Hosto festa frontoian egiten da. Hilabetez haurrek ekarritako hostoak bertan jartzen dira eta haurrak bertan egoten dira jolasean. Lehenik, 3 urtekoak egon dira ordu erdi; ondoren, 4 urtekoak; eta azkenik, 5 urtekoak joan gara. 

Bueno bueno.... nola pasatu dugun!! Leku guztietan dauzkat hostoak oraindik!! Gure tentsioak atera eta jolasean aritu gara. Ez zeuden arauak, bakoitzak nahi duen egin du, denok batera jolastu dugu: lurrean, korrika, saltoka, ... uffa!! Ze ondo!! Baina hitzez azaldu ordez, argazkitxoren bat jartzen dizuet hemen, inbidia emateko asmoz!! 

   GUSTATZEN?? BEGIRA NOLA PASATZEN DUGUN... :)

Eskolako parkea eta patioa

Denok dakigun bezala, haurrak funtsezkoa dute aisia eta denbora librea, horregatik, aukera ezberdinak dituzte jolas garaietean egoteko. Hemen ikusten duzuen moduan, patio izugarria dago, eta haur handiak jolas garaira ateratzen direnean, Haur Hezkuntzakoentzat bereziki prestatutako parkea dute. Bertan, gareje bat dago, motorra, triziklo, txirrindu eta patineteekin, eta oso ondo pasatzen dute hauekin jolasten; honetaz gain, parkea dago erdian.

Eguraldiak laguntzen ez duenean eta euria ari duenean, frontoi bat dago, ixteko aukera ematen duena, haur txikiak patiora atera ez daitezen.

Hemen daude argazki batzuk:

Frontoia

 Haurren parkean, trizikloarekin

 Haurren parkea

 Patioa

Hamabostgarren eguna: azaroak 16, asteazkena

Gaurko eguna oso lasaia izan da. Ingelesean, ipuineko marrazki guztiak margotzen amaituta ditugularik, grapatu eta portada egin diogu. Basoa landu dugu eta bertako animaliak. Ondoren, SENSOR izan dugu; gero, irakurketa astelehenean bezala proiektorean egin dugu eta amaitzean, asteazkena denez, bideoa ikusi dugu. Bideoak ikusten dituzte,  batez ere euskara lantzeko eta euskara entzutera ohitzeko. Triki Traka Triki Tron ikusi dugu. Oso ondo pasatu dugu.

Bestela, dena beti bezala joan da. Gaur, Elik hurrengo hamabostaldirako plangintza prestatu du eta ondoren, esplikatu egin dit nola egiten duen, ze irizpide erabiltzen dituen, eta horrelakoak. 

Bihar hosto festa dugu eta haurrak oso pozik daude, espero dugu ondo ateratzea. Horregatik izan da gaur egun lasaia, bihar ederra dugulako! 

Kontatuko dizuet ea zer moduz doan! Bihararte...

Hamalaugarren eguna: azaroak 15, asteartea

IPUIN KONTALARIA

Gelara iritsi eta gaur ez gara ingelesera joan, sorpresatxo bat genuen eta! Ipuin kontalari bat etorri da! Beraz, ingeleseko gelara joan gara, baina ipuina entzutera. 5 urtekoak egon gara bakarrik, eta ondoren, 4 urtekoak egon dira.

Ipuina hortzen garbiketaren ingurukoa izan da, ipuin ezberdinak kontatu dizkigute hortzak garbitu behar ditugula eta gozoki asko jan behar ez direlaren inguruan. Gainera, amaitu dutenean, oparia eman digute denoi: hortzak garbitzeko eskubila, orea, eskubila txikiak eta likido bat. Baita ere sagar bat, janari osasuntsuaren adibide bezala, arkatza, bolia, etab.

Haurrei asko gustatu zaie eta oso ondo pasatu dute, batez ere, egunerokotik ateratzen den ekintza izan delako. Ipuina amaitzean, eguna beti bezala joan da eta arratsaldean, berriro ere gaiari ekin diogu. Andereño Elik, ipuin kontalariek utzitako ipuina irakurri du gelan eta ondoren, hausnarketa bat egin dugu, honen inguruan hitz egiten egon gara eta oso ondo pasatu dugu. Amaitzean, bakoitzak marrazki bat egin du gaiari lotuta eta bertan jarri dugu "Hortzak garbitu". 

Hori izan da gaurko eguna. Haurrak oso ondo pasatu dute, eguneroko bizitzan oso garrantzitsua den zerbaiten inguruan aritu dira eta hausnartu dute, eta hoberena, modu dibertigarri batean.

Hemetxe uzten dizkizuet bi argazki ipuin kontaketarenak:

Nire praktikaldia; hausnarketak eginez...

Nondik hasi nire praktikaldiarekin … Urte pasatxo hainbeste teoria jasotzen egon ondoren, hori guztia praktikoki ikusi ahal izatea izugarria izaten ari da. Jarduerak nola prestatu, liskarrei nola aurre egin, haurrekin egon, beraien konfiantza lortu, irakasleen esperientziak entzun, aholkuak jaso, esperimentatu, urduritasunak pasa, poztasuna eta emozio ezberdinak bizi!

Hasiera urduritasunez betea izan arren, Eli, nire gelako tutorea izugarria da. Neska gazte honek hasiera-hasieratik asko laguntzen nau eta nire egonaldiaren poztasunaren zati handi bat berari esker da.

Gelan parte hartzen uzten dit eta aholkuak ematen dizkit, berak nola egingo lukeen esanez, beste aukerak emanez. Adibide bat jarriko dut gelako nire lehen parte hartzearen inguruan:

Lehen egunean, ipuina Elik kontatu zuen eta arreta handiz behatzeko esan zidan. Hurrengo egunean, haurrei esan zien ni ere ikasten nengoela eta nik kontatuko niela ipuina, ondoren, denon artean nola egin nuen esango zidaten. Modu honetan, urduritasunez beterik, nire kontaketari ekin nion. Amaitzerakoan, haurrek esan zidaten: “oso ondo andereño!” . 

Egun bertan, haurrak etxera joan zirenean, bion artean hausnarketa egin genuen neure kontaketaren inguruan. Ahotsa oso ondo erabili nuela esan zidan, tonuak aldatuz, altuago eta baxuago irakurriz, lasai egin nuela ere esan zidan, eta haurren atentzioa mantentzea lortu nuela. Bestalde, eskuekin zer egin ez nekiela esan nion; horregatik, ipuina nola hartu nezakeen esan zidan, eskuak libreago izateko eta keinuak egin ahal izateko, marrazkian erreferentziak ere egin ahal izateko. Baita ere, nola sentitu nintzen galdetu zidan eta oso urduri egon nintzela esan nion. Izan ere, magisteritzan landu egin dugu denbora dezentez nola irakurri behar ditugun ipuinak, zer egin behar den, zer ez, eta honek egiten du presioa izateak. Batzuetan, neure buruari gehiegi exijitzen diodala esan zidan Elik, gauzak lasaiago hartu behar ditudala, eginez eta eginez ikasiko dudala. 

Honelako solasaldiaren ondoren, primeran sentitu nintzen. Ikasten dudana praktikan jartzea eta norbait ondoan eduki ahal izatea kritika konstruktiboak egiteko izugarria da. Lehen momentutik konfiantza handia eman dit Elik eta nire buruarengan konfiantza gehiago ere izaten lagundu dit horrek. 

Ipuinarekin bezala, pixkanaka, gelan ekintza gehiagotan parte hartzen noa, hasieran urduriago, galduta sentitzen naizela, baina geroz eta hobetoago. Modu honetan ere, gelan oso integratua sentitzen naiz hasieratik. Haurrek berehala onartu dute beste pertsona berri bat egotea gelan eta beraiekin oso ondo pasatzen dut.

Nire gelako 21 haurrak dira nire praktikaldiaren poztasunaren beste arrazoi handia. Oso maitagarriak dira eta gure arteko gertutasun eta konplizitatea nabari da. Bizitza beste modu batean bizi dute, motelago, eta ni ere nire bizitzaren erritmoa lasaitzen ikasten ari naiz, gauza sinpleagotan zentratuz eta gauza txikiei garrantzia gehiago emanez. 

Gelaz kanpo ere, zikloko irakasleekin egunero biltzen gara, eskolarako lanak egiten, bilerak egiten, jarduerak antolatzen edota hitz egiten. Azken finean, eskolako bizitzan erabat sartuta nago eta irakasle batek dituen lan ezberdinak bizitzeko aukera ematen dit. 

Elirekin ere, gelako orduez kanpo geratzen naiz noizbehinka, lanen bat egiten, oharrak prestatzen, jarduera batzuk ere; gelako metodologiaren inguruan ere edozein duda argitzen dit, berak duen informazioa eskuragarri uzten dit.

Ikusten duzuen bezala, denbora dezente pasako nuke esperientzia zoragarri honen inguruan hitz egiten, baina gaurkoz nahikoa dela uste dut. Hurrengora arte! Ongi izan!

Hamahirugarren eguna: azaroak 14 astelehena

Astelehena iritsi da eta honekin batera beste aste berri bat. Haurrak lasai etorri dira, eta ondo joan da eguna. Gaur, irakurketa berezia egin dugu. Astelehena denez, SENSOR izan dugu ingeleseko gelan, proiektorea dagoelako bertan, eta ondoren gelara joan beharrean, bertan geratu gara irakurketa egiten. Lantzen ari garen fitxak (M eta T letrarenak) eskaneatu eta pen drivean sartu zituen Elik, eta paretan ikusi ditugu. Honela, bakoitzak bere liburuan egin beharrean irakurketa, proiektorearekin egin dugu denok batera. 

Ekintza hau asko gustatu zaie haurrei, ezberdina zenez, motibazio handiarekin egin dute, eta denek parte hartu dute gogotsu. Egia esan, baliabideak noizbehinka aldatzea oso ondo dago.

Bestela, eguna betiko martxan joan da, ez da ezer berezirik gertatu arratsalde bukaerara arte: haur batek beste bati hozka egin dio hankan eta min asko egin dio. Hozka egin duena, zuzenean semaforora joan da eta sofan eserita zegoela lasaitu egin da eta semaforoa erabili du. Bere funtzioa ondo bete du gaurkoz ere semaforoak, eta haurrak segituan barkatu dira.

Honela amaitu da gaurko eguna, eta arratsaldeko bileran, koordinatzaileak esan digu bihar ipuin kontalari bat datorrela. Beraz, ea tokatzen zaigun joatea eta ikus dezakegun! Bihararte...!

Asteko hausnarketa

Hirugarren astea amaitu da eta leher eginda nago. Izan ere,bost egun izan dituen lehen astea izan da, baina oso pozik nago. Egunak oso nekatuta bukatzen ditut, energia gabe, baina hurrengo goiza iritsi eta oso gustura hartzen dut. Haurrak beste andereño bat bezala tratatzen naute, maitasun handia ematen didate eta kasu egin behar didatenean, egiten didate.

Gainera, Elik geroz eta gehiago uzten dit gelan parte hartzen, beraiekin egoten, hitz egiten, abesten, ipuinak kontatzen, etab. Honela, hobetzen noala ere ikusten noa, neure akatsak bion artean komentatzen ditugu arratsalde batzuetan, haurrak etxera doazenean.

Bestalde, eskolan ere oso gustura nago. Haur hezkuntzako beste irakasleekin egunero egoten naiz, bai eguerdietan baita arratsaldeetan ere, eta oso irekiak daude nirekin, oso gustura sentitzen naiz beraiekin. Bileretan, nire iritzia eskatzen didate, eta garrantzitsua sentitzen naiz.

Egia esan, primeran nago, oso giro polita dugu, eta geratzen diren bi asteak asko aprobetxatuko ditut! Asko ikasten ari naiz, eta unibertsitatera buelta gehiago ikasteko energia hartzen ari naiz. Asteburu ona izan...!!

Hamabigarren eguna: azaroak 11 ostirala

Iritsi da ostiralaaa!!! Ingelesean bideoa izan dugu, asteko azken eguna delako. Ondoren, andereño Tania etorri bitartean, nirekin egin dute eguneroko errutina eta ulises. Tania iritsi denerako, gaurko fitxak azaldu ditu, batez ere, Luzea-Laburra-Ertaina landu dugu. Ondoren, txokoetan egon gara, eta eguna nahiko lasai joan da.

Arratsaldean, irakurketa egin dugu denok batera, eta liburua bakoitzaren karpetan gorde ondoren, txokoetan jarri gara. Bakoitzak bere txoko-lana egin du talde batek ezik, lateralitatea garatuta nola duten jakiteko test-a egin baitute. Kurtso hasieran eta amaieran egiten zaiela azaldu dit Elik, beraien garapena nola doan kontrolatzeko. Pixkanaka, denak egin dute test-a eta patiora irten gara. Azkenik,  txamarrak jantzi eta ostiraleko abestiak abestu ditugu. ASTELEHENARTE!! Joan dira denak!! Asteburu ona izan...

Hamaikagarren eguna: azaroak 10, osteguna

Atzoko egunaren ondoren, gaur denak nekatuta egon gara! Gaur, CREA egin dugu, astero bezala. Aurreko astean, CREA barruan, DIBUS egin genuen, baina gaur beste jarduera bat zen.

Kuadro famatu baten piezak eman dizkiegu eta taldeka nahi zuten modura jarri behar izan dituzte, eta ondoren, artelanari izenburua jarri. 

Modu honetan, 4 artelan ezberdin egin dituzte gelan. Talde bakoitzak gainontzekoei izenburua eta artelana azaldu die.

Ondoren, denak borobilean eseri eta artelan originala erakutsi diegu, bere izenburuarekin. Arrituta geratu dira, berriro egin nahi zutela baina kopiatuz esan dute. Baina ez diegu utzi, CREAren bitartez, euren sormena landu nahi dugulako, ez puzzle bat egitea.

Hemen daude gure artisten lanak!!

-Izenburua: LORE

 -Izenburua: SIRENATXO

 -Izenburua: ARRAIN-ZALDIA

 -Izenburua: VICENTE VANKOKO

Eta hona hemen originala:

Marc Chagall, EL CIRCO AZUL

Ekintza oso polita iruditu zait. Asko gustatzen zaizkit La Sallek erabiltzen dituen programa hauek, haurrentzat nobedadea dira, gustora hartzen dituzte; eta guretzat ere, irakasle bezala, berriak dira eta asko ikasten dugu. Izan ere, haurrek, guk uste duguna baina gehiago dakite, eta askotan ez diegu duten potentzial guztia ateratzen uzten! Oso ondo pasatzen dut beraiekin, esperientzia ezberdinak dira eta emozio hori nabaritzen da!

Bestalde, eguna lasaia izan da, arratsaldean, irakurketa egin dugun denon artean eta txokoetan egon ondoren, gaur gutxi jolastu dute, denek marrazkiak egiten pasatu dute denbora. Nabaritzen zaie osteguna dela, eta irakasleoi ere! Bihar ostirala, zein ondo! Merezi dugu bai, bi eguneko geldialditxoa!

Hamargarren eguna: azaroak 9, asteazkena

SUKALDARITZA EGUNA

Hamargarren eguna eta hamarreko eguna ere gaurkoa!! Berezia izan da, gaur sukaldaritzari eskaini dizkiogu saio guztiak. Eskolara iritsi eta gaur zer egingo dugun azaldu ondoren, eskuak garbitzera joan gara. Amaitzerakoan, jangelara joan gara gure sukaldari lanetan hasteko!

Gazta tarta eta arraultza beteak egin ditugu. Ona hemen argazkiak:
-Elirekin

-Nirekin:

 -Jangelara iristean: GAZTA TARTAAAA!!!

 -Gailetak txikitzen:

 -Batidorarekin ibili aurretik...

 -Batidora erabili ondoren:

 -Gurinarekin nahastu!

 -Esnegai beroa, philadelphia gazta eta azukrearekin nahasten...

 -Zikindu ere egin gara, zein ondo!

 -Gailetak eta gurina moldetan sartu dugu:

 -Eta azkenik, orea bota dugu gainetik.

-Hozkailuan sartu dugu arratsalde arte, hoztu dadin. Ondoren, jangela garbitu eta gelara joan gara.

GELAN.... ARRAULTZA BETEAK!
-Arraultza egosiak zuritu ditugu lehenik, ondoren, gorringoa atera eta barruan sartzekoa prestatu dugu:

 -Gorringoa txikitu, txaka zati txikitan moztu, eta hegaluzea ere.

 Azkenik, mahonesarekin nahastu eta arraultzak bete ditugu... mmm ze gozoa!

 -Primeran pasa dugu, eta oso goxoak zeuden!

Arratsaldean, sukaldaritza egunarekin jarraitu dugu. Jangelara joan gara taldeka, talde bakoitzaren GAZTA TARTAren bila, hozkailuan zeuden eta. Behin tartak hartuta, gelan, apaindu egin ditugu:

 -Mermeladarekin apaintzen...

 -Eta... LISTO!!!

 -Baita ere, idazketa lantzeko asmoz, errezetak idatzi ditugu. Pauso bakoitzean hitz hauek kopiatu behar zituztelarik. Honela, etxean berriro ere egin ahal izango dute!!

 -Eta amaitzeko... JATERA!

 -Gainera, sorpresatxoa ekarri digute beste gelakoek! Beraien pizzak ekarri dizkigute probatzeko!! Guk ere, gure gazta tarta zati batzuk eman dizkiegu.

Zelako eguna pasa dugu!! Alde batetik bestera, Eli eta ni lehertuta bukatu dugu, baina pena merezi izan du, haurrak benetan disfrutatu dutelako. OSO POZIK GAUDE GAURKO EGUNAREKIN!!!