Hamazazpigarren eguna: azaroak 17, osteguna

HOSTO FESTA

Zelako eguna gaurkoa!! arratsadean hosto festa izan dugu eta denak oso aztoratuta egon dira. Baina festa haurretik, goizean beti bezala aritu gara. Psikomotrizitateko saioan HARA berri bat egin dugu. Bertan, musika lasaiaren laguntzarekin, ibiltzeko era ezberdinak landu ditugu: pozik ibili, haserre, triste, hanka puntarekin, orpoarekin, aurreraka, atzeraka, erraldoiak bezala, txiki-txikiak bezala, etab. 

Haurrak oso ondo erantzun dute, bakoitza bere aldetik ibili da, tontakeriarik gabe. Uste genuena baino hobetoago ibili dira. Jarduera amaitzean, hausnarketa bat egin dugu denak borobilean eserita. Bakoitzak, gehien gustatu zaiona esan du, gehien kostatu zaiona, nola sentitu den eta zer gustatu zaion gutxien.

Bazkaldu ondoren, iritsi da momentua!!!

Hosto festa frontoian egiten da. Hilabetez haurrek ekarritako hostoak bertan jartzen dira eta haurrak bertan egoten dira jolasean. Lehenik, 3 urtekoak egon dira ordu erdi; ondoren, 4 urtekoak; eta azkenik, 5 urtekoak joan gara. 

Bueno bueno.... nola pasatu dugun!! Leku guztietan dauzkat hostoak oraindik!! Gure tentsioak atera eta jolasean aritu gara. Ez zeuden arauak, bakoitzak nahi duen egin du, denok batera jolastu dugu: lurrean, korrika, saltoka, ... uffa!! Ze ondo!! Baina hitzez azaldu ordez, argazkitxoren bat jartzen dizuet hemen, inbidia emateko asmoz!! 

   GUSTATZEN?? BEGIRA NOLA PASATZEN DUGUN... :)

Zazpigarren eguna: azaroak 4, ostirala

Gaur, nire lehen ostirala izan da, aurrekoan gaixo egon nintzelako. Eguna topetan pasa dugu, gauza pila bat eginez. Nobedade bezala, gaur ZIRKUITUAK egin ditugu. Beste sarrera batean arituko naiz honen inguruan.

Horretaz gain, gaur atsaldean HARA-ren beste lan bat egin dugu gaur, "Semaforoa" izenekoa. Semaforo hau, emozioak identifikatzeko erabiliko dugu. Modu honetan, haserre gaudenean semaforora joko dugu:

-Kolore gorrian egongo gara lehenengo, STOP egitea egingo diguna. Lasaitu, pentsatu zer pasatzen zaigun (haserre gauden, triste, amorru bizian). 

-Ondoren, horira pasatuko gara; momentu honetan, geure haserre, tristura edo edonolako emozioari aurre egingo diogu, mina egin diogunarengana joanez eta mina egin digula esanez, esaterako. 

-Behin hau egin dugula, hobetoago sentituko gara, kolore berdera pasatuz. 

Modu honetan, semaforoak gure emozioak identifikatzen, izendatzen eta aurre egiten laguntzen digu. Ea ba zer moduz doan! Momentuz, lehortzen dugu ipini aurretik.

Denon artean, semaforo handi bat sortu dugu pentsatzeko txokoan jartzeko. Txoko honetan, sofa moduko bat dago eta norbait gaizki portatzen bada, irakasleak bertara bidaltzen du pentsatzera. Beraz, semafora egitera ekin diogu: 

Tenperaz, talde batek borobil gorria, besteak berdea eta besteak horia margortu dituzte. Azkeneko txokoan, semaforoaren gainerako zatia margotu dute kolore ezberdinetako errotulagailuez.

Amaitzeko, abesti bat erakutsi didate: Ostirala! Hementxe uzten dizuet!

Gaurkoz, hau izan da dena. Aste motza baina bizia izan da. Oso pozik nago, nekatuta, baina astelehena iristeko gogoarekin! (Aspaldi ez nuela horrelakorik esaten...) Asteburu ona izan!

Bigarren eguna: Urriak 26, asteazkena

Gaurko eguna, lehenengoan bezain urduri hasi dut; atzo jai izanda, gaur astelehen berri bat nuen aurretik eta! Baina gelara iritsi eta Eli tutorea ikustean berehala lasaitu egin naiz. Eguna lehenengoa bezala joan da; beraz, ezberdin egin ditugun jarduerak soilik azalduko ditut gaur.

Gaur, SENSOR izan dugu: Sensor, proiektorean jartzen zaien bideoa da. Bertan, gai baten inguruko argazkien sorta azaltzen da, eta haurrek isilik egon beharko dute. Argazkiak errealak dira eta bideoak 10 minutu inguru irauten du. Astean bi egunetan izaten dute, eta bigarren aldiz ikusten dutenean (gaurko kasua, astelehenean ere berdina ikusi zutelako) argazkia ikusi orduko identifikatzen hasten dira. Gaurko SENSOR, KATUKIAK gaiaren inguruan izan da.

Ondoren, proiektorea dagoen gelan geundela aprobetxatuz, bideoa ikusi dugu. "Txokolatezko etxea" izeneko ipuina ikusi dugu, ETXEA gaia lantzen ari baikara.

Arratsaldean ere berriak izan ditugu; niretzat eguneko garrantzitsuena: ni izan naiz gelako dinamika eraman duena. Hasieran, oso urduri nengoen baina haurrek normaltasun osoz hartu dute nire presentzia eta horrek asko lagundu dit. Arduradunak lista pasa ondoren, ULISES egin dugu. ULISES, inoiz ikusita ez nuen jarduera da eta beste sarrera batean sakonago arituko naiz honen inguruan, baina momentuz, gainetik azalduko dut: argazkiak pasa ditugu azkar, eta argazki bakoitzaren inguruan 6 definizio irakurri dizkiegu. Haurrek, argazkiak identifikatzen doaz; orain lantzen ari garen gaia: Fenomeno Fisikoak.

Ondoren, ipuinaren ordua iritsi da. Nik irakurri diet. Hemen bai urduri jarri naizela; izan ere, magisteritzan landu berria dugu ipuinaren kontua, eta presio handia sentitu dut. Baina oso ondo joan da. Beste sarrera batean honen inguruan arituko naiz.

Azkenik, HARA egin dugu. La Salleren beste proiektu innobadoreetako bat da, norberaren gorputzaren ezagueran eta esperimentazioan oinarritzen dena. Gaur, asnarketa ezberdinak landu ditugu, erlaxazioa, oso polita eta ezberdina.

Ikus dezakezuen bezala, gaurko eguna emozioez beteta joan da, berri askorekin. Lasai, pixkanaka joango naiz proiektu hauen inguruan hitz egiten eta informazioa ematen. Oso ondo daude eta!! Momentuz, biharko eguna iristera itxaron beharko!